هو انتى ليه كده ؟؟؟

هو انتى ليه كده ؟

أيون ليه بجد كده ؟



ليه لبسك ضيق اووووووى كده .. ليه فاتن وملفت ؟ ليه كل ما اقول هغض بصرى الاقى واحدة منكوا طالعة قدامى بلبس عجيب وطرحة اعجب ! ليه بتكبى على وشك 2كيلو بويه قبل ما تخرجى فاكرة ده هيحليكى مثلاً



انتوا تعبتونى معاكوا اوى على فكرة .. نفسى ابطل ابص على البنات وكل ما اقول انا نازل انهارده وربنا هيعنى ومش هبص على ولا بنت اول لما اخرج الاقيكم كلكم قدامى كلكوا شبه بعض نفس البنطلون الضيق والبدى الاضيق نفس لفة الطرحة العجيبة الكبيرة فوق راسكم دى !!



نفس الالوان على وشكم ؟



هو انتوا ليه بتعملوا فيا كده ؟



انتوا قاصدين صح ؟ بس انتوا مش حلويين على فكرة



ايوة مش حلويين انتوا بتلفتوا نظرى بس ببقى عايز ابص عليكم اتفرج عليكم كده



علشان بتلفتوا انتباهى .. لكن مش بكون معجب بــ ولا واحدة فيكم وانا ببص عليها



بالعكس ده انا ساعات سورى يعنى ببقى بحتقر لبسكم ده

اصلى لو عندى اخت بنت كان لا يمكن اخرجها من باب الشقة كده ..



على فكرة انا مش مسامحكم كل مرة بقول فيها هتوب وبرجع بتكونوا انتوا السبب



كل مرة بشوف فيها واحدة لابسه ضيق اوى وبقعد افكر فيها كتير لوحدى

واقعد اقول استغفر الله يارب سامحنى بيكون لبسكم ومشيتكم حتى كلامكم وضحكتم المدلعة,, هى السبب !!



لو فاكرين انى بكده هخطب واحدة منكم او هتجوزها تبقوا غلطانين ..

لما هاجى ادور على زوجة ليه لازم اختارها مؤدبه لبسها محترم

انا مش متدين علشان اقول عايزها لالبسه نقاب ولا خمار

بس عايزها محترمة فى لبسها ما بتلبسش علشان تلفت نظر الرجالة

لا بتلبس علشان تستر نفسها عن عيونهم .. بتمشى بحياء وصوتها ما بيسمعهوش الولاد ..

ما هى دى اللى أئتمنها على عرضى وكرامتى وعيالى ..

لكن اللى باعت نفسها قبلى هتبيع بعدى ومعايا

يـــــــــــــــــــــا كل بنت فاكرة نفسها جميلة



بالاسبانش العجيب ,, بالمكيب الغريب ,, بالحجاب المريب,,

انتى مش جميلة كده ولا بتعجبينا وانتى بتعملى كده!!



فوقى وارجعى لربك وافتكرى انك هتاخدى ثوابين لما تحسنى لبسك ..

مرة علشان نفسك ومرة علشان اخواتك اللى هتساعديهم على غض البصر..

اللى هتكونى سبب ثباتهم على التوبة ..

يارب اشوف كل البنات محجبة حجاب مؤدب وحلو واهدينى وما تخلينش ابص على البنات تانى يارب



صرخة من ولد نفسه يتوب ويغض بصره وباعتها رسالة لكل بنت مسلمة بتفكر بــ أنانية

كل همها نفسها وبس ..